تصدير مياه النيل في زجاجات _ موضوع للمناقشه

 تأملت موضوع سد النهضه كثير وطويلا ، وسألت نفسي هيه الدوله المحتله  عايزه ايه من موضوع سد النهضه ومن مياه النيل

وهل قطع المياه عن مصر حل لمشكله المياه في دوله الاحتلال وكان جوابي بالعكس لابد ان تزيد مياه النيل ولازم نشوف طريقه نوصل المياه لهذه الدوله 

فكرت هل يمكن توصيل مياه النيل من خلال انبوب مثلا كما نقوم بتصدير الغاز ام هذا الموضوع صعب وشبه مستحيل ولكني عدت مره اخري الي نفسي وقلت طيب وليه مستحيل فممكن نبعت الميه لهذه الدوله بطريقه اخري حتي تتمكن من بناء خط الانابيب هذا 

وجاء شيطان يحادثني ويقول لي طيب ايه رأيك لو نصدر المياه الي النيل في زجاجات مياه طبيعيه زي نسله و بركه ، فقلت في نفسي طيب والله دي فكره يعني حتي يمكن نقل مياه النيل بانبوب الي اسرائيل ممكن نصدر لها زجاجات المياه المعدنيه وهنا لن يشك أحد في الموضوع فهي تجاره دوليه يعني تصدير واستيراد 

جاء الشيطان مره اخري يلح علي راسي ويقول : طبعا هتقول ان الاسم المطبوع علي الزجاجه سيفضح الموضوع ولكني كنت اكثر خبثا من هذا الشيطان اللئيم وقله له ياناصح ممكن نلزق علي الزجاجات ورق مكتوب عليه بيانات بالعبري وبكده محدش هياخد باله 

هنا ادرك الشيطان انني اكثر منه بعد نظر ، 

رجع تاني وقال لي موش انته غلبتني في تصدير الزجاجات انا بقي هغلبك في موضوع انبوب المياه حيث ان مد مثل هذا الانبوب سيكون واضحا وصريحا لكل الناس 

فقلت له ياناصح الانبوب ده هيتم تحت رعايه وحمايه ولاد عمنا بتوكيل من قيادتنا الحكيمه التي لطالما ارخت علي المصريين اقصد الشعب بتاعها ستائر الحنان والحب والقلوب والهدايا 

فضرب الشيطان كفا بكف وقال لي انا موش هكلمك تاني غور في داهيه 

والآن السؤال موجه لك يا عزيزي القاريء هو في ظل الهرج والمرج اللي احنا عايشين فيه هل ممكن ان مصر تتسرق من شمالها لجنوبها حتي مياه النيل يمكن سرقتها ايضا رجاء ان تتحفنا وتشرفنا برأيك في الاسفل وشكرا