القاضي قال مفيش دليل !!! للشاعرة دعاء عبد الوهاب

Tunisialeaks تونيزياليكس‎'s photo.

القاضي قال مفيش دليل

أنا الدليل ..

أنا الدم اللى سال ع الأرض

ما استكفِـت ..

أنا العين اللى صابها الغدر 

و اتصفِّـت ..

أنا الأم اللى حرقوا فؤادها ع الغالى

و لبست شال محنِّى بدمه و اتدفِّـت ..

أنا الدليل ..

أنا المخنوق بـ سم الغاز على الكوبرى ..

أنا المضروب بـ100 خرطوش على ضهرى ..

أنا اللى العمر راح محنة ورا محنة ..

و قلت شاريكى ولا مرة نفَد صبرى ..

أنا المجنى عليه و اليوم بقيت جانى ..

واللى قتلنى بريء و عيونه ناكرانى ..

خرجوا الديابة من القفص أحرااااار ...

و انا اللى لسه سجين محبوس ف أكفانى ..

يا نكسة كانت ف التاريخ و اليوم بقِت وكسة ..

يا قلوب و متلونة بالغدر و الخِســة ..

لو كنتوا فاكرين حلمنا ممكن يموت ..

متفرحووووووووووش

نـــار القصاص و الدم هتشتعل لسـه 

" للشاعرة دعاء عبد الوهاب " 

Admin11-Khalil